taotamil01

பாடல் 1

விளக்கக் கூடிய வழி அழியா வழியல்ல‌;

பெயரிடப் படக் கூடிய பெயர் அழியாப் பெயரல்ல‌.

பெயரற்ற அதுவே வானுக்கும் மண்ணுக்கும் ஆதி;

பெயருள்ளதோ எண்ணற்ற பொருட்களுக்குத் தாய் ஆகிறது.

அங்ஙனே, என்றும் ஆசையற்று ஆதி உணரப்படுகிறது;

சதா ஆசையுடன் அதன் வெளிப்பாடுகள் தெரியப் படுகின்றன‌

இவை இரண்டும் ஒன்றாய்க் கிளம்பினும், பெயரில் வேறுபடுகின்றன‌

இவ்வொருமையே அறியொணாததற்கெலாம் அறியொணாததாய்,

அனைத்து விந்தைகளுக்கும் வாயிலாய் இருக்கிறது.